या HSSC और Student के बीच की लड़ाई सै।
ताऊ कितनी ए बाट दिखाले नौकरी हमनै लेकै दिखाणी सै।
आदरणीय खट्टर और खदरी नै कसम खा ली सै।
ब्याह म्हारा नहीं होया, थमनै भी रांडे मारण की तैयारी सै।
जबै तो HR Police के पेपर में दूध काढ़ण की सर्वोत्तम विधि बूझ राखी सै।
बता के उसनै पुलिस स्टेशन के बाहर भैंस बांधणी सै।
तो HSSC कै बेरा नहीं के मन मै आरी सै।
पटवारी परीक्षा एक बार भी नहीं ली, फीस तीसरी भरवाण की त्यारी सै।
जणै ग्रुप D मै लागे छोरे की ब्याह की त्यारी सै।
उस छोरे नै छोरी मै बहुत वैरायटी चाहिए सै, HSSC भी पेपर मैं आऊट ओफ सिलेबस ल्यारी सै।
प्रधान, उन्नै बेरा कौन्या हम हरियाणा आले सै।
ये माणस नै प्रपोज करें पाच्छै उसकी क्वालिटी देखै सै।
जै कोए छौरा ना कह दे, तो छौरी उसके घर आगै तांडव करया करै।
स्टडी के नाम पै अडै छौरे ITI और छौरी JBT आले सर्वोत्तम दर्ज़ा पाया करै।
मनै सुर्यवंशम कई बार देख राखी सै।
एक छोरा पढ़या लिखा देखकै ब्याह रचाण की ठाणी सै।
बस तो मैं चलाऊंगी, IAS मनै वो एक बणाणा सै।
बहोत कुछ दिया इस धरती नै इसकी पाई-पाई लोटाणी सै।
या HSSC और Student के बीच की लड़ाई सै।
ताऊ कितनी ए बाट दिखाले नौकरी हमनै लेकै दिखाणी सै।
Bharti
No comments:
Post a Comment
Please do not enter any spam link in the comment box