डार्लिंग ईसा भी के कदे होया करै।
किसे नै देखें बिना प्यार क्यूकर होया करै।
होग्या तो होग्या इश्क पै के किसै का जोर चाल्या करै।
कालू की शक्ल मै भी धर्मेंद्र दिखाई दीया करै।
या भी बात साचि सै मां के रूप मै दोस्त सबनै ना मिला करै।
'मां मनै भी प्यार होग्या' या बात सुणकै नै मां की हासि बहोत छुटया करै।
हम समझावांगे, उसनै- तू एकबै घरां बुला ले।
नू बरांणे बालक की किस्मत ना फोड़ा करै।
हेे! मेरे राम , औलाद पै इतना भरोसा भी के होया करै।
लेकिन हमनै भी तो अपणि शक्ल और अक्ल पै भरोसा होया करै।
सोच में नेगेटिविटी और कोनफिडेन्स मै कमी म्हारै कदे नहीं आया करै।
सोच मिलेगी, विचार मिलगे, गुण तो आपए मिल जाया करै।
म्हारे घरक्या नै डर तो इस बात का रहया करै।
एक म्यान मै दो तलवार कदे खट्या नहीं होया करै।
एक तो कुबैधि म्हारी औलाद, ईसाए दूसरा और, हमनै के घर मै दंगल करवाणा सै।
पर या बात भी साची सै बिना किरदार के कहानी पूरी नहीं होया करै।
जब पेट मै भूख की आग हो तो माणस कोठा भरण की नहीं सोच्या करै।
आपा मरे पाछै ए स्वर्ग दिख्या करै।
प्यार तो केवल विश्वास पै टिक्या करै।
किसै नै पत्थर मैं भगवान तो किसै नै हर किसै में ए राम दिख्या करै।
मीरा भी तो कृष्ण नै बिना देख्ये प्यार करया करै।
हां डार्लिंग इसा भी होया करै।
किसे नै बिना देखे भी प्यार होया करै।
2.
No comments:
Post a Comment
Please do not enter any spam link in the comment box