1.
मनै ना सोची थी इसा हाल भी होया करै।
हाए! रै.. जिंदगी मै- के इसा भी होया करै।
हट बावले मेरे मां बाप की मैं घणी लाडली।
तनै के लागै उनै के मैं दिल तै काढ़दी।
मेरी मां मेरी खातिर घर के रुल तोड़ेगी।
हाए! पहली सिकि रोटी मेरी थाली मैं टेकगी।
2.
मनै ना सोची थी इसा हाल भी होया करै।
हाए! रै.. जिंदगी मै- के इसा भी होया करै।
तू के कवह है जिंदगी मै कुछ पर्सनल भी होणा चाहिए।
इब तनै कोण समझावै आईने के आगै के घुंघट काढ़णा चाहिए।
कदे किमै मांगण खातर मेरा सिर भगवान के आगै भी ना झुकण दिया।
सोचण तै पहला चिज मेरे हाथ मै धर दी हाए! इसा मेरे भाई के जिसा भाई भी के होणा चाहिए।
3.
मनै ना सोची थी इसा हाल भी होया करै।
हाए! रै.. जिंदगी मै- के इसा भी होया करै।
काम करण तै माणस मरता कौना
या बात मेरे बाबू नै बहोत पहले समझा दी थी।
मनै भी कदे किसै कि बात नहीं काटी थी।
जैबे तो, मेरी बेटी तै चुल्हे मै आग कौना बलै, हाए! न्यू कहके मेरे बाबू नै गैस चूल्हे पै चाट रंधावा दी थी।
4.
मनै ना सोची थी इसा हाल भी होया करै।
हाय! रै.. जिंदगी मै- के इसा भी होया करै।
मनै सुबह जल्दी उठा दियो न्यू कहके सोए पाछै।
थोड़ी देर और सो जाण दे तनै के करवाणा है,मेरे मां-बाबू के बीच मै बहस होया करै।
फोन करके- 'मेरा बच्चा जल्दी उठ ले आज' न्यू कहके मेरी सहेली मनै जगाया करै।
हाए! रै.. मेरी जिंदगी मरणा कौना इबै मनै इसा जन्म के बार-बार मिला करै।
साची रै- जिंदगी मै के इसा भी होया करै।
मनै ना सोची थी इसा हाल भी होया करै।
Bharti
These lines are natural that shows the emotions which is pure and the thinking is commendable.
ReplyDeleteSir welcome to my blog.
Delete🙏 Thank you very much for giving so much respect to my post.